على عزيزة وغالية
كان إسمها الإنسانية
قتلها البشر والهيئات وجمعيات
حقوق إنسان وهمية
وأنـا الإنسان
بأشجب وأندد وبتفرج
على حـفـلات
إبادة جماعية
.........................
أهى بورمـا عالأورمه
ف إيد جزار مالوش ديّه
أنتوا فين يا مسلمين ؟
وفين الحميّة الإسلامية ؟
وسوريــــــــــــــــــــــــــا
بالتوريّه بيقلعوا راسها المحنيّه
إسمحولى أسأل سؤال
هى ماتت النخوة العربية ؟
هونا على العالم لمّا نسينا القضية
القضية هيّة هيّة
القضيّة فلسطينية
الجوع إشتكى وبكى فبلاد سمراويـــة
شفت الأخ بيدفن أخوه فصخرة مَلْويّة
يا عالم يا هووووه
محدش شاف المجاعة الصومالية ؟
هوا فى كدة يا صاحبى
ناس تموت مالجوع
وناس غرقانة فالمهلبيّة ؟
...............................
وإنت يا إرهاب جبان
بتقتل ليه عسكرى أو ضابط
من خيرة الجنديّة ؟
بتقتل ليه أبويا وأخويا وابن عمى . .
كان ملازم فالداخلية
حرام عليك
تحرق قلب أم وأب
وتيتّم زهور منديّة
.....................
وإنت يابن بلدى
بتقتل ليه فواحد
بيعبر عن رأيه بحريّة
مش احنـا برده فبلد
بتحترم الديمقراطية ؟
لكي الله
والعالم كله معاكِ
يا رابعة العداويّة
جم يدفنوكي خلدوكي وخلوكي
علامة نصر . . ورمز صمود . . وعالمية
إللي انت عملته يابن بلدي
بيرفضه كل دين
من إسلام . . مسيحيّة . . يهوديّة
ماتت الإنسانية
لما قتلوا رابعة والنهضة
وسجـنـوا وردات منديّـــة
..........................
هو فين العالم الآخر ؟
المُتحضّر والمُتقدم
واللى وجع دماغنا
بالعدالة الإجتماعية
كلنا يا بشر مُشاركين ومؤيدين
لكل الجرائم الإنسانية
وبقول لكل ظالم
كفاية ظلم للبشر
دا ظلام الظلم نوّر
وجند الله مستنيّة
بس الأمل جاي
بمسطرة حرف T
متوضيّة
ممدوح مطــر
شاعر الجالية المصرية بالسعودية
02/12/2013م
البيت الأول غير موجود ( إبكي يا عين بدل الدموع دم المواردية ) . . الشاعر / ممدوح مطر
ردحذفيرجى ارسال رابط هذه القصيدة على صفحتى على الفيس ممدوح شاعر الجالية ورابط الصفحة هو https://www.facebook.com/mmdoh.shairelgalia
ردحذف